華嫂冰室 (灣仔) #foodieam小分享系列 💥💥💥💥💥💥💥 話說上次黎灣仔華嫂嘅時候都係十一點半過啲黎到，上次黎到即刻入座，今次同一個時間黎到已經開始要等位啦，果然華嫂無論係平日定係週末，都一樣係坐無虛席。今次就點咗檳城喇沙湯豬排米線（$50）、招牌蛋沙律多士（$22）。 - 🍜檳城喇沙湯豬排米線 平時黎華嫂都必定係點蕃茄通，今次終於捨得試下其他野，呢個檳城喇沙湯豬排米線湯底十分香濃，豆卜吸晒湯汁嘅精華，食到停唔到口，華嫂嘅豬排亦都係十分出色，肉質軟稔之餘仲保留到肉汁，可惜就係米線真係偏硬，食得好唔過癮。 🍞招牌蛋沙律多士 印象中嘅蛋沙律多士好似唔係咁嘅樣，但眼前呢份多士賣相比印象中嘅要更吸引，都即刻食指大動，金黃色嘅多士包住生菜、蕃茄、火腿同滿滿嘅蛋沙律，口感相當豐富。 - 雖然華嫂嘅食品種類唔算太多，但係樣樣都係精品，果然都係貴精不貴多好啊，咁先可以留到食客嘅胃。 💥💥💥💥💥💥💥 華嫂冰室 (灣仔) 地址：灣仔謝斐道272號杜智臺地下3-4號舖