想和你一起去的餐廳[爱心]慶生氛圍不錯的西餐

本身只係同朋友約嚟食飯，但見到同場都有唔少情侶喺度慶生，甜品可以寫字外，店員仲會既窩心又低調地同佢哋唱生日歌，感覺氣氛都唔錯！

⭐️ 北海道刺身帶子沙律 - $158

想講同朋友食咗第一啖之後即刻互望，大家都覺得有驚喜🤣一開頭食落去會有淡淡黑松露香氣，當你再細咬，三文魚籽嘅汁感同醬油香隨之而嚟，跟住係沙律菜嘅爽口感，最後以帶子嘅鮮甜作結，同一時間有唔同口感，但出乎意料地夾，幾有特色！

⭐️ 牛肉他他配法式千層薯 - $138

牛肉他他擺盤勁精緻，選用新鮮牛肉，食落都幾重牛味😆加入蛋黃令口感更綿滑，而洋蔥碎粒則增添嗆口感。法式千層薯炸到外脆內滑，搭配牛肉嚟食好正😋

⭐️ 香煎帶子青口三文魚籽香草忌廉汁扁意粉 - $218

雖然係忌廉汁，但食落唔會好膩，反而帶有一點酸甜感。不論帶子定青口同好新鮮，意粉偏煙韌，但吸晒啲汁好好食🥰

⭐️ 菠蘿汁 - $40

想揀啲健康嘅飲下就揀左菠蘿汁🤣唔會太甜 可以中和下主食嘅膩感！

🇭🇰The Grill Room (The Humphreys) (尖沙咀)

尖沙咀堪富利士道6-6A號爵寓2樓

#香港探店 #香港西餐 #高質西餐 #香港好去處 #假日好去處 #美食推薦 #尖沙咀美食 #佐敦美食