好羡慕，算干净企理。总结：可以试下

今日坐轮渡过革新路，落船睇下钟数，嗯，沙渡路过去就喺南边路，一屈就可以过去纸厂啦，就过去容意记试下啲出品如何啦。开住我嘅小电龟，嘟嘟嘟，好快就到咗广纸荟，东张西望一下，原来面店响阶梯之上，个广场好多阿叔喺度打趸，停好我部車，行过去门面好认，周边环境可以，而且未够钟数，里面得一个哥哥仔努力吃面中。入到去，例牌一个细蓉，可以试汤味，面会唔会淋瘪瘪，云吞掂唔掂。由于话换水，等咗几分钟，期间四五头客入来了，睇起身都喺街坊熟客来嘅，周围望，发现里面个师傅喺度用机器压面，反复压，睇到好过瘾。再影下相，我嘅面到啦，开吃。

口味：面还算可以，不过不失。汤底啱上来有闻到一阵咸腥（鲜）味，饮一口，觉得偏甜偏淡，闻住同吃住两个感觉，再吃粒云吞，就喺云吞，无乜嘢惊喜嘅口感。整体碗面喺云吞垫底，面头有韭黄。卖相算合格，不过汤底真喺，一百个人有一百个哈姆雷特，我喺觉得唔中意嘅。

环境：冷气唔够，唔止我一个咁讲，有个阿叔吃到除衫，好羡慕，算干净企理。

总结：可以试下，不过广州咁多店，再轮回一次估计要好多年后啦。