万岁寿司

呢间万岁寿司系恒宝呢度都开咗好多年，从细细个读书到依加做人老豆，一直都屹立系恒宝，无翻咁上下实力都做唔到。

「皇牌三文鱼腩刺身」

三文鱼切得比较薄身，新鲜程度还可以。入口好嫩滑，味道都几鲜甜。

「炙烧特级寿司拼盘」

寿司整体还是不错，米醋饭有弹性唔松散，鳗鱼蟹棒等等嘅食材味道都还可以。

「大阪海鲜烧饼」

份量好大，摆盘唔错，用料亦比较足。不过口感好一般，稍微硬咗d，味道亦无乜特别。

「一口牛柳」

牛柳口感好爽口，但感觉无乜牛香味。

呢间万岁虽然不同时期都食过唔少次，印象有好有坏，今次觉得味道好一般，结合价钱嚟讲，性价比好低。

总评：三星