銅鑼灣炸雞烤雞放題

銅鑼灣 - Sodam chicken

去開老銅行街，見到有姐姐拎著牌係Time square 附近，枱頭一望原來係想食好耐嘅炸雞放題店，即刻沖去問姐姐係邊到🤩佢個位置都好夾攝，需要穿插小路先到大廈門口。

店舖好大，完全吾會有逼感，枱凳都好闊，方便放好多嘢食係面每張枱中間都有充電位，但需要自備充電線～另外係吾包嘢飲嘅，需要自行去吧枱斟水😉

平時心思思想食每種口味試曬，依加終於可以喇，有甜酸、辣味、蜜糖芥末香蔥、檸檬柚子、香草青檸同濃蒜，仲新出咗黑糖脆脆口味，怕熱氣嘅都可以食焗雞，蜜糖蒜香、雙重芝士、噴火辣等等。

小編最愛檸檬柚子味炸雞，甜甜嘅柚子蜜加上酸May May嘅檸檬，感覺減低油膩感，味道亦會比較清新，新出嘅黑糖脆脆，黑糖甜甜蜜蜜加早餐粟米脆脆，螞蟻人就啱曬喇，而且炸粉薄薄一層，雞肉好嫩滑，拎上手仲熱辣辣，咬落仲有肉汁添🤤；而焗雞最愛梗係雙重芝士啦，本身小編都係芝士愛好者，嫩滑嘅焗雞配上咸甜咸甜嘅芝士粉，完全可以食多件嗜辣人士一定要挑戰下噴火辣焗雞🌶咬咗一啖即刻要狂飲水🥵 平時食開譚仔小辣嘅朋友仔話有冇咁誇張呀🫠食完一啖之後話原來你吾係扮嫁喎

食到膩仲有泡菜、酸蘿蔔、柚子醋沙律、涼拌水冷麵等等小食減低油膩感，咁又可以食多幾件喇～每日仲有限定一款薄餅，是日係熱帶風情薄餅，有蘑菇、火腿、菠蘿等，批底吾算太厚，咬落好鬆軟，仲有芝士拉絲真係好正

🗺 Sodam Chicken (銅鑼灣)

銅鑼灣耀華街3號百樂中心7樓

「Sodam Chicken(BOGO on selected item)」