近日樓上CAFE成為新潮流?大家都傾向找一間比較寧靜同唔洗同人迫既餐廳用餐 咁今次就去呢間AnyMomentCafé 位於旺角既樓上鋪,老細好吹得,天南地北都岩傾,一腳踢,大廚都係佢 有好多唔同既遊戲比客人玩,消磨時間, 無煙無酒無粗口,屋企既感覺,最重要係食物都唔錯 先選了特色花茶,包添飲3次,基本上一定夠飲,坐足2小時都唔洗添飲 玫瑰花茶,夠清新,淡淡花香係口中散發回甘 特色梳打飲品 一杯,套餐加12蚊就有 食物方面,我地選了白汁雞脾扒同埋肉醬煙鴨胸,可配意粉或螺絲粉 上菜方面,估唔到咁大碟,所有食物都係即點即製,大家可以飲住野玩GAME慢慢等 上得黎CAFE都係想慢活消磨時間,對不? 加左個沙律,食住等,落左醋,酸香開胃,等食飯~ 先上鴨胸意粉,份量係足一件鴨胸切片厚切比你,意粉每條都掛滿自家製既特色肉醬汁 食到肉碎,番茄蓉,鴨胸夠肥肉汁豐富,意粉煮得剛剛好,鴨肉肉嫩 雞脾係去骨雞扒,成件炸香,薄薄既粉包裹著厚身既雞扒,螺絲粉,每條粉沾滿濃郁既醬汁,味道稍濃 最後上埋焗蜜糖雞翼,表面香脆,加埋蜜糖提味,簡單又好吃既小吃之選 記得訂位先上去